11 наурыз күні «Саумалкөл №1 орта мектебі» КММ-де №51 мекеменің РММ қызметкерлері ұйымдастырған кәсіптік бағдар беру кездесуі өтті. Іс-шараның негізгі мақсаты оқушыларды әртүрлі кәсіби бағыттармен таныстыру, олардың қызығушылықтарын анықтауға көмектесу және болашақ мансапты таңдауға саналы көзқарасты қалыптастыру болды.
Әңгімелесу барысында әділет подполковнигі, №51 мекеменің ЕҰУ бастығының тәрбие жөніндегі орынбасары К.А. Ашкенов және әділет лейтенанты, жасақ бастығы Д.С. Ахметова оқушыларға сұранысқа ие мамандықтар, табысты жұмысқа орналасу үшін қажетті негізгі дағдылар және кәсіби даму мүмкіндіктері туралы айтып берді. Жеке қабілеттері мен қызығушылықтарын ескере отырып, мамандық таңдаудың маңыздылығына ерекше назар аударылды.
Оқушылар белсенді сұрақтар қойып, түрлі салалардағы жұмыс жағдайлары мен мансаптық өсу перспективаларына қызығушылық танытты. Кездесу соңында №51 мекеме қызметкерлері кәсіби өзін-өзі анықтау бойынша пайдалы кеңестер берді және балаларға болашақ мансабында табыс тіледі.
